Зәйнең «Энергетик» мәдәният йорты каршындагы үзәк мәйданында Яңа ел алды авыл хуҗалыгы ярминкәсе булачак

Шимбә көнне, 30 ноябрьдә, «Энергетик» мәдәният йорты каршындагы үзәк мәйданда авыл хуҗалыгы ярминкәсе үз эшен башлап җибәрә. Гадәттәгечә Яңа ел алды ярминкәсе һәр шимбәдә иртәнге 7.00 дән 12.00 гә «Энергетик» мәдәният йорты каршындагы мәйданчыкта оештырылачак. Анда авыл җирлекләре, фермерлар, ярдәмчел хуҗалыклар һәм бакчачылар шәһәр халкына үз продукцияләрен базар бәяләреннән түбәнрәк бәядән сатачаклар, шулай ук «Зәй» Агросәнәгать паркы продукциясе дә тәкъдим ителәчәк.