Үзәк китапханә хезмәткәрләре Әниләр көненә багышлап әдәби- музыкаль кичә үткәрделәр

26 ноябрь көнне үзәк китапханәдә «Өмет» клубы, Бөтенроссия сукырлар җәмгыятенең җирле оешмасы әгъзалары һәм китап укучылар өчен әдәби-музыкаль кичә үткәрелде. Китапханәчеләр Г. В. Лаврентьева һәм О. Н. Руди бу чараны онытылмаслык һәм кызыклы итәргә тырыштылар. Кунаклар «Хуҗабикә», «Әкиятләрне бел», «Коллектив портрет» бәйгеләрендә, әкиятләр сәхнәләштерүдә бик теләп катнаштылар. Кичәдә әниләр турында иң җылы, назлы сүзләр яңгырады. Балалар музыка мәктәбе укучыларының музыкаль котлаулары да кунаклар өчен зур бүләк булды. Әниләр көненә багышланган бәйрәм уңаеннан «Әниләрне яратыгыз» дигән китап күргәзмәсе оештырылган иде. Чәй табыны артында бәйрәмгә җыелган хатын-кызлар үзләренең тормышларындагы кызыклы хатирәләре белән уртаклаштылар.