Татарстанның 100 еллыгына багышланган Республика турнирында 1нче урын

24 ноябрь көнне Баулы шәһәрендә карате- киокусинкай буенча ТАССР оешуга 100 ел тулуга багышланган республика турниры узды. Зәй шәһәре данын Владимир һәм Алексей Ревиннар кул астында шөгыльләнүче яшь спортчылар яклады. Безнекеләр югары спорт һәм техник дәрәҗә күрсәттеләр һәм призлы урыннар яуладылар. Үз категорияләрендә Вәлишин Айрат, Ишмөхәммәтов Әмир, Решетов Роман, Хөснетдинов Марат, Баринов Егор, Скопинцев Георгий җиңүче булдылар. Икенче урынны Подъячев Илья яулады. Бронза призерлары: Горшунов Артем, Ножкин Александр, Семенов Артем, Ларионов Кирилл булды. 6 секундка сузылган «иң кыска көрәш өчен» махсус приз белән безнең спортчы Решетов Роман, ә Скопинцев Георгий- иң яхшы техника өчен бүләкләнде. Турнир нәтиҗәләре буенча Зәй командасы беренче гомумкоманда урынын яулады.