«Зәй» Агросәнәгать паркы территориясендә чираттагы ярминкә узды

Район башлыгы Разиф Кәримов «Зәй» Агросәнәгать паркы территориясендә көзге ярминкәләр оештыруны аерым контрольдә тота, атна саен үзе әлеге объектка барып, зәйлеләргә тәкъдим ителгән продукциянең ассортименты һәм сыйфаты белән таныша. Бүген парк территориясендә чираттагы атналык авыл хуҗалыгы ярминкәсе узды. Ярминкәдә Агросәнәгать паркы һәм җирле җитештерүчеләрнең киң товар ассортименты тәкъдим ителде. Шәһәрлеләргә 6 фермер хуҗалыгы, 6 авыл җирлеге: Кадер, Гүлкин, Югары Шепкә, Югары Пәнәче, Дурт мунча, Түбән Биш авыл җирлекләре үз продукцияләрен тәкъдим итте. Барлыгы 9 ярминкәдә 9 млн. сумнан артык продукция сатылган.