Зәйдә архив эше буенча методик семинар узды

2019 елның 22 ноябрендә «Татарстан Республикасы Дәүләт архивы» ДБУ Зәй шәһәренең аерым фәннәрне тирәнтен өйрәнүле 7 нче урта гомуми белем бирү мәктәбендә Татарстан Республикасы Зәй районы муниципаль белем бирү оешмаларының эш башкару һәм архив эше өчен җаваплы хезмәткәрләре өчен архив эше буенча методик семинар үткәрде. Методик семинарның максаты-архив эше күнекмәләрен формалаштыру һәм белем бирү оешмалары хезмәткәрләрен укыту буенча бурычларны хәл итү. Семинарда Илдарханова –Балчиклы Гүзәл Илдус кызы – Татарстан Республикасы Архив фондын формалаштыру һәм документлар белән тәэмин итү буенча директор урынбасары, Абдуллина Айгөл Шаһинур кызы – «Татарстан Республикасы Дәүләт архивы» ДБУ Татарстан Республикасы Архив фондын формалаштыру бүлеге баш архивчысы, Стеничева Людмила Пантелеймоновна – «Татарстан Республикасы Дәүләт архивы» ДБУ Татарстан Республикасы Архив фондын формалаштыру бүлеге җитәкчесе чыгыш ясады. Семинарда белем бирү оешмаларында архив эше алып бару турында җентекләп сөйләделәр. Документларны тәртипкә салу һәм төпләү буенча практик дәрес үткәрелде һәм Татарстан Республикасы белем бирү оешмалары өчен архив эше буенча агымдагы елда эшләнгән методик рекомендацияләр турында сөйләделәр.