Үзәк балалар китапханәсендә әдәби кичә үткәрелде

21 ноябрь көнне Үзәк балалар китапханәсендә "Кадерле әниләребез!» дип исемләнгән әдәби кичә үткәрелде. Анда “ Әниләр һәм кыз- уллар” иҗади конкурсында катнашучылар чакырылды. Бу көнне балалар үз әниләренә рәхмәт сүзләре, елмаюлар, наз бүләк иттеләр. Алар өчен шигырьләр, теләкләр, җырлар яңгырады. Әниләр хөрмәтенә "Наз»," «Бердәнбер», бәйгеләре оештырдылар, бергәләшеп күңелле дискотекада биеделәр. Әниләр өчен кар аланы сюрприз булды, анда балалар һәр кар бөртегенә әниләренең исемен яздылар. Соңыннан тәм-томнар белән чәй эчтеләр.