Зәйдә хезмәт кануннарын үтәү буенча киңәшмә узды

Бүген "Энергетик" мәдәният сараенда хезмәт законнарын үтәү, предприятие һәм оешмаларның кадрлар һәм башка документларын исәпкә алу һәм саклау мәсьәләләре буенча киңәшмә узды. Киңәшмәдә Татарстан Республикасында Кеше хокуклары буенча вәкаләтле вәкил Сәрия Сабурская, район Башкарма комитеты җитәкчесе Илнар Хафизов, Зәй шәһәре прокуроры Ринат Кәримов, Татарстан Республикасының Архив эше буенча Дәүләт комитеты рәисе Гөлнара Габдрахманова, Татарстан Республикасының Дәүләт хезмәт инспекциясе җитәкчесе урынбасары Фидаил Хәернасов катнаштылар. Киңәшмәдә Зәй һәм Сарман районнары предприятиеләре, оешмалары җитәкчеләре, шулай ук кадрлар хезмәтләре башлыклары катнашты.