Зәйгә "Мобиль поликлиника" килә

Ике милли проект («Сәламәтлек саклау» һәм «Демография») тоташкан урында 2019 елның августыннан башлап Татарстан Республикасында «Мобиль поликлиника» республика проекты эшли башлады. Татарстан Республикасы Сәламәтлек саклау министрлыгы республиканың бөтен районнары буенча йөри торган 4 күчмә мобиль медицина комплексы сатып алды. Проектның максаты-авыл халкын профилактик медицина тикшерүләре һәм диспансерлаштыру белән тәэмин итү. Медицина хезмәткәрләре бригадасы составында иң кирәкле белгечлекләрнең табиблары тәкъдим ителде. Кабул итүне кардиолог, хирург, невролог, офтальмолог, уролог, акушер-гинеколог, эндокринолог алып бара. Моннан тыш, кирәк булган очракта ультратавыш тикшеренүләрен башкару, ЭКГ теркәү, күз эчендәге басымны үлчәү, анализлар алу мөмкинлеге бар. “Сәламәтлек автопоезды" 2019 елның 25 ноябрендә Зәй районына килә. Дүрт торак пункт билгеләнде, анда мобиль поликлиника урнашачак. Бу-Сәвәләй, Бохарай, Сарсаз Багряж, Бигеш авыллары. Бер ай эчендә район авылларының 900дән артык кешесен карау планлаштырыла.