Зәйдә студентлар отряды штабының хисап- сайлау җыелышы узды

Бу атна башында Зәйнең студентлар отрядлары сугышчылары һәм кандидатлары агымдагы мәсьәләләр буенча фикер алышу, 2020 ел планнары өстендә эшләү, линия студентлар отрядлары эш юнәлешләрен билгеләү һәм отрядларның командир составын сайлау өчен җыелдылар. Штаб командиры Виктор Рыбацкий отрядлар эше турында доклад укыды, 2019 елдагы төп акцияләр, проектлар һәм чаралар турында искә төшерде, шулай ук бу елның булачак чаралары турында сөйләде. Җыелыш кысаларында "Легенда 17" педагогик отрядына командирлык составын сайлау булды, мастер-методист һәм комиссар вазыйфасына ике кандидат, командир вазыйфасына өч кандидат дәгъва кылган иде. Нәтиҗәдә ачык тавыш бирү юлы белән түбәндәгеләр сайланды: командир - Светлана Кандалинцева, 4 нче мәктәп укучысы; комиссар - Надежда Агапова, 7 нче мәктәп; мастер-методист - Никита Беляев, 3 нче мәктәп укучысы. Шулай ук Зәй политехника көллияте студентлары белән җыелышта төзелеш, сервис отрядлары һәм проводниклар отряды эше турындагы мәсьәләләр буенча фикер алыштылар. "Көньяк яр" сервис отрядының күп кенә сугышчылары Кырым Республикасыннан "Ялта" хезмәт проектыннан әйләнеп кайтуга, җыелыш эшендә катнаша алмауларына бәйле рәвештә, Зәй политехник колледжында тагын бер җыелыш үткәрү, командирларны сайлап алу һәм әлеге юнәлешләрдә эшләү өчен кандидатлар җыю буенча агитация эшләре алып бару турында Карар кабул ителде.