Зәйдә тантаналы төстә паспортлар тапшырылды

13 ноябрь көнне ЗАГС бүлегендә тантаналы рәвештә паспортлар тапшыру чарасы узды.Төп документны алу гадәти процедурасы балалар өчен онытылмаслык вакыйга булды. Зәй муниципаль районы Башкарма комитеты җитәкчесе Илнар Фәнил улы Хафизов тантаналы рәвештә 15 яшь кешегә паспорт тапшырды. Ул яшьләрне төп документка җаваплы карарга, аны сакларга һәм илнең лаеклы гражданнары булырга чакырды һәм аларга үзенең изге теләкләрен житкерде.