Халыклар бердәмлеге көненә багышланган балалар рәсемнәре конкурсы үтте

5 ноябрьдә Халыклар бердәмлеге көне уңаеннан "БЕРДӘМ РОССИЯ" партиясенең Зәй җирле бүлекчәсе белгечләре "Балалар илне сүрәтли" дип исемләнгән рәсем конкурсында җиңүчеләрне бүләкләделәр. Бу чарада Зәй районы «Каенкай» балалар бакчасында тәрбияләнүчеләр бик теләп катнаштылар һәм Ватаныбыз турында матур рәсемнәр ясадылар. Зәй җирле бүлекчәсенә конкурска 4 яшьтән алып 6 яшькә кадәрге 40тан артык яшь рәссам эше тәкъдим ителгән иде. Иң-иңнәрне сайлап алу җиңел генә түгел иде. Тавыш бирү нәтиҗәләре буенча 15 рәсем иң яхшылар дип табылды. Яшь рәссамнарга партиянең җирле бүлекчәсе исеменнән истәлекле бүләкләр тапшырылды. Бүләк җыелмасына канцелярия товарлары һәм альбомнар керде.