Зәй укучылары халыклар бердәмлеге яклы

4 ноябрьдә илебез Халыклар бердәмлеге көнен билгеләп үтә. Бу бәйрәм гасырлар һәм буыннар бәйләнешен, халкыбызның күп гасырлык гореф-гадәтләренә тугрылыкны, аның рухи көчен һәм, әлбәттә, дуслыкны символлаштыра. 30 октябрь көнне С. Рәфыйков исемендәге Үзәк китапханәдә 6 нчы мәктәп яны лагере укучылары өчен «Бердәмлек мәңгегә!» дигән чара уздырылды. «Әтәч һәм кузак бөртекләре», «Дуслык турында мәсәл» видеороликларын карап уздылар, геройларның һәм персонажларның уңай сыйфатларын күрергә, якын кешеләргә, яшьтәшләренә яхшы мөнәсәбәт тәрбияләргә, хаталарын төзәтергә өйрәтергә ярдәм итте. Балалар үткәннәргә сәяхәт кылдылар, төрле милләтләрнең буыннан-буынга күчеп килгән уеннарында катнаштылар. Зур кызыксыну белән табышмаклар чиштеләр, шулай ук «Дуслык турында монолог» укыдылар. Ахырда бергәләшеп фотога төштеләр.