Зәйлеләр Мәскәүдә студент отрядларының Бөтенроссия слетында

2019 елның 25-27 октябрендә Мәскәүдә студент отрядлары хәрәкәтенең 60 еллыгына һәм "Россия студент отрядлары" бөтенроссия яшьләр иҗтимагый оешмасының 15 еллыгына багышланган Бөтенроссия слеты узды. Слетта Россиянең 80 төбәгеннән, БДБ һәм Балтыйк буе илләреннән 6 мең кеше: хәзерге заман студентлар отрядларының иң яхшы вәкилләре һәм хәрәкәт ветераннары, федераль башкарма һәм закон чыгару хакимияте органнары вәкилләре, эре эш бирүчеләр, җәмәгать эшлеклеләре катнашты. Татарстан Республикасының149 кешедән торган делегациясе составында 5 Зәй студентлар отрядлары штабы вәкилләре булды. 25 октябрьдә Дәүләт Кремль сараенда студентлар отрядларының Бөтенроссия слетын ачу тантанасы булды. Чара барышында студентлар отрядларының иң яхшы вәкилләрен бүләкләделәр. 2019 ел нәтиҗәләре буенча Идел буе федераль округының округ штабы иң яхшы дип танылды, ә слетта катнашучыларны мәртәбәле кунаклар: Татьяна Голикова-Россия Федерациясе Хөкүмәте Рәисе урынбасары, Михаил Котюков-Россия Федерациясе Фән һәм югары белем министры, Евгений Дитрих-Россия Федерациясе Транспорт министры, Алексей Лихачев - "Росатом" атом энергиясе буенча дәүләт корпорациясе генераль директоры, Виктор Садовничий- Ломоносов исемендәге МДУ ректоры, Михаил Киселев - "Россия Студентлар отрядлары" бөтенроссия яшьләр иҗтимагый оешмасы җитәкчесе сәламләде. Бәйрәм сәхнәсендә Россия эстрадасы йолдызлары: Стас Михайлов, Юлия Савичева, Леонид Агутин, “Отпетые мошенники», Владимир Пресняков, Наталья Подольская, Банд ' Эрос чыгыш ясадылар, ә тантананы спорт комментаторы Дмитрий Губерниев алып барды. Барлыгы 20дән артык төрле мәйданчык оештырылган иде: 1959 елда беренче студентлар отрядын озату хөрмәтенә истәлек тактасы, җыр-бию флешмобы, мастер-класслар, иҗади һәм спорт фестивале, ветераннар концерты һәм башкалар. Татарстан төбәк бүлеге студентлары барлык чараларда һәм ярышларда актив катнаштылар. Идел буе федераль округы спорт фестивалендә гомумкоманда зачетында беренче урынны алды. Иҗади фестивальдә Татарстан отрядлары бию юнәлешендә "Безнең арада" дигән номер белән III урынга лаек булдылар. Слетның йомгаклау чарасы "Main Stage" концерт залында Бөтенроссия слетының тантаналы ябылуы булды, анда чараларга йомгак ясалды, җиңүчеләр һәм студентлар отрядлары, төбәк һәм округ штаблары вәкилләренә министрлык һәм ведомстволарның Рәхмәт хатлары һәм Мактау грамоталары тапшырылды.