РФ Дәүләт Думасы депутаты Айрат Фәррәхов гражданнарны кабул итте

Бүген Зәйдә РФ Дәүләт Думасы депутаты Айрат Фәррәхов гражданнарны кабул итте. Кабул итүдә район башлыгы Разиф Кәримовта катнашты. Депутатка сораулар белән 2 кеше мөрәҗәгать итте. Шәһәр Башкарма комитеты җитәкчесе Антон Петров Зәй сусаклагычын чистарту мәсьәләсен күтәрде, Зәй үзәк район хастаханәсе баш табибы Рим Амеров федераль льготникларны социаль пакет, шул исәптән ташламалы дару препаратлары белән тәэмин итү өлешендә 178-ФЗ номерлы «Дәүләт социаль ярдәме турында» Федераль законга үзгәрешләр кертү турында үтенечен җиткерде. Үз чиратында, Россия Федерациясе Дәүләт Думасы депутаты Айрат Фәррахов проблемаларны хәл итүдә ярдәм итәргә вәгъдә бирде. Социаль хезмәтләр җыелмасыннан баш тартуга килгәндә, әлеге мәсьәлә белгечләрне җәлеп итеп, җентекләп өйрәнүне таләп итә. Шулай ук Айрат Фәррахов 2020 елның февраленнән ташламалы дарулар белән тәэмин итү системасының яңа моделе эшләнәчәген хәбәр итте.