Бәйрәм көннәрендә чүпне чыгару гадәти режимда башкарылачак

Өстәмә ял көннәре республиканың көнчыгыш төбәгендә каты коммуналь калдыкларны чыгаруның гадәти графигын өзүгә сәбәп булмаячак. Бу хакта "ГРИНТ" ҖЧҖ генераль директоры Светлана Ярлыченко хәбәр итте. Бүген операторның җаваплылык зонасында - Чаллы шәһәре, Әгерҗе, Азнакай, Аксубай, Актаныш, Әлмәт, Баулы, Бөгелмә, Алабуга, Зәй, Лениногорск, Мамадыш, Менделеевск, Минзәлә, Мөслим, Түбән Кама, Яңа Чишмә, Нурлат, Сарман, Тукай, Чирмешән, Чистай, Ютазы муниципаль районнары тора. 4 ноябрьдә (Халыклар бердәмлеге көнендә) һәм 6 ноябрьдә (Татарстан Республикасы Конституциясе көнендә) «ГРИНТ» ҖЧҖ нең Кайнар линия телефоны үз эшен гадәти режимда башкарачак. 7 (967) 770-61-71 телефоны буенча сорау бирергә яки каты коммуналь калдыкларны чыгаруны гамәлгә ашыру буенча мәгълүматны ачыкларга мөмкин. Якын көннәрдә республиканың контейнер мәйданнарында каты коммуналь калдыкларны җыю өчен яңа контейнерлар барлыкка киләчәк. “Хәзер без Европа сыйфатындагы меңнән артык заманча контейнер сатып алабыз. Алар уңайлы һәм ишегалларының эстетик төрен саклап калырга ярдәм итәчәк», -дип хәбәр итте Светлана Ярлыченко.