Зәй мәшгульлек үзәге хезмәткәрләре халык иминлеген саклау ысулларын өйрәнде

1 октябрьдән 1 ноябрьгә кадәр Татарстан Республикасында гражданлык оборонасы айлыгы бара. Шул уңайдан 22 октябрь көнне Зәй халык мәшгульлеге үзәге хезмәткәләре тарафыннан иминлекне саклау ысуллары буенча өйрәнүләр узды. Җаваплы хезмәткәр – әйдәп баручы инспектор Лариса Гыйләҗева коллегаларына гражданлык оборонасының биш кисәткече барлыгы турында сөйләде. “Алар халыкны гадәттән тыш хәл һәм барлыкка килгән куркыныч турында кисәтү өчен кулланыла”, - диде ул. Мәшгульлек үзәге хезмәткәрләре һәр кисәткеч үрнәгендә аларны ишеткән вакытта ниләр эшләргә кирәклеген өйрәнде. Моннан тыш, шәхси саклану чаралары, аларны куллану ысуллары белән таныштылар, противогаз кию буенча өйрәнүләр уздырдылар.