Район башлыгы Р.Г. Кәримов авыл хуҗалыгы һәм азык-төлек идарәсе белгечләре, авыл җирлекләре башлыклары катнашында крестьян-фермер хуҗалыкларында йөреп чыктылар.

Район башлыгы Р.Г. Кәримов авыл хуҗалыгы һәм азык-төлек идарәсе белгечләре, авыл җирлекләре башлыклары катнашында крестьян-фермер хуҗалыкларында йөреп чыктылар. График буенча, алар 20 гә якын хуҗалыкта булдылар. Урыннарда очрашуның максаты крестьян-фермер хуҗалыкларында эшләрнең торышын һәм хуҗалыкларның кышкы чорга әзерлеген тикшерү. Игътибар үзәгендә кооперацияне үстерү, авыл халкының эшлекле активлыгын арттыруга карашларны камилләштерү кебек темалар булды. Республикада икенче ел инде яңа эш башлаган кооперативларга ярдәм итү программалары эшли. Район башлыгы район фермерларына берләшергә, кооперативлар төзергә кирәклеген ассызыклады. Шунысын да билгеләп үтәргә кирәк, кече хуҗалыклар (КФХ һәм шәхси ярдәмче хуҗалыклар) районның агросәнәгать комплексы үсешенә сизелерлек өлеш кертәләр, үсемлекчелек һәм терлекчелектәге КФХ авыл хуҗалыгы продукциясе күрсәткечләре тулаем алганда район күрсәткечләренә һәм рейтингына йогынты ясый.