Район башлыгы авыл җирлекләре бүлекчәләрендә булды

2019 елның 16 октябрендә Зәй муниципаль районы башлыгы Р.Г. Кәримов авыл хуҗалыгы формированиеләре, авыл хуҗалыгы һәм азык-төлек идарәсе, агрофирмалар һәм район ветеринария берләшмәсе белгечләре катнашында авыл җирлекләре бүлекчәләрендә булды. Сәфәрдә катнашучылар 7 объектта булдылар. Алар арасында “Дурт-Мунча” ,”Куш-Елга", "Югары Шепкә", “Сәвәләй”, “Чыбыклы”, товар-сөтчелек комплекслары, “Поручик” симертү комплексы, "Нива"ҖЧҖе дә бар иде. Терлекчелек объектларында булганда терлекләрне ашату һәм тоту технологияләрен, көн һәм режим тәртибен үтәү, хезмәт дисциплинасын саклау мәсьәләләре фикер алышуның төп темасы булды. “Поручик” һәм "Югары Шепкә" сөт- товарчылык фермаларында терлекчелек биналарын ремонтлау һәм реконструкцияләү барышы белән таныштылар. Агымдагы елның 1 ноябреннән “Поручик” симертү комплексының 10 корпусын файдалануга тапшыру планлаштырыла, ул 600 баш терлек асрауга исәпләнгән. Районның авыл хуҗалыгы оешмаларында терлек азыгы-силос әзерләү дәвам итә. Узган атнадагы эшкә йомгак ясалды һәм якын киләчәккә бурычлар куелды.