«Зәй шикәре» заводының пенсия яшенә якынлашучы хезмәткәрләре укуларын төгәлләде

Татарстан Республикасында “Демография” илкүләм проектының “Өлкән буын” федераль проектын гамәлгә ашыру кысаларында “Зәй шикәре” заводына пенсия яшенә якынлашучы хезмәткәрләрен һөнәри укыту буенча чараларны тормышка ашыруга субсидия бирелде. Оешманың 13 хезмәткәре “Күтәргеч механизмнар өчен йөкләрне беркетүче” (стропальщик) программасы буенча квалификация арттыру курсларын узды. Дәресләрне “ГАРАНТ” белем бирү учреждениесе оештырды. Дәресләр һәм практика оешма территориясендә узды. Уку барышында йөк күтәрү машиналары һәм сәнәгать куркынычсызлыгы чаралары буенча белем бирелде. Курсны тыңлаучылар йомгаклау тестын уңышлы үтте һәм «Стропальщик» һөнәре буенча 3 нче разрядлы квалификация буенча таныклык алды. Алар йөк күтәртү механизмнары (йөкләрне эләктереп алу һәм бәйләү) белән эшли алачак. Киләсе елга “Зәй шикәре” заводы шулай ук «Өлкән буын» проектында катнашырга һәм пенсия яшенә якынлашучы гражданнар арасыннан яңа төркемне укытырга планлаштыра.