Көзге ярминкәләр - зәйлеләр өчен кышка запас ясау мөмкинлеге бирә

12 октябрьдә «Зәй» Агросәнәгать паркы территориясендә чираттагы көзге ярминкә узды, бу ярминкә зәйлеләр өчен кышка запас ясау һәм яңа фермер продукциясе сатып алу өчен иң уңай мөмкинлек булып тора. Сатып алучыларга кулай бәяләрдән сөт, ит продукциясе, яшелчә, ярма эшләнмәләренең төрледән-төрле ассортименты тәкъдим ителде. Ярминкәгә муниципаль район башлыгы Разиф Гали улы Кәримов килде. Ярминкә үткәрү урынына кадәр бару һәм кире кайту бушлай оештырылган, өлкән яшьтәге кешеләргә волонтерлар ярдәм итте.