Цифрлы телевидениегә күчү мәсьәләсе каралды

Хакимиятнең зур залында район башлыгы Разиф Кәримов йорт җаваплылары катнашында киңәшмә уздырды. Анда сүз нигездә цифрлы телевидениегә күчү буенча барды. Киңәшмәдә “Татарстан Республикасы радио-телевидение тапшырулары үзәге”нең Түбән Кама филиалы цех башлыгы Андрей Афанасьев чыгыш ясады. Агымдагы елның 14 октябреннән Татарстанда телевидение “аналогы” сүндереләчәк, ягъни аналог телевидение гамәлдән чыгып, аның урынына цифрлы телевидение “киләчәк”. Ул чыгышында цифрлы телевидениегә күчү мәсьәләсен яктыртты. Заманча телевизорларга цифрлы сигналларны кабул итү өчен антенна кирәк. Ә иске модельләр өчен өстәмә цифрлы приставка кую зарур, диде ул чыгышында.