Зәйдә Укытучылар көненә багышланган тантаналы чара узды

«Энергетик» мәдәният сараенда Укытучылар көненә багышланган тантаналы чара узды. Педагогларны һөнәри бәйрәмнәре белән Зәй муниципаль районы башлыгы Р.Г. Кәримов, башкарма комитет җитәкчесе И. Ф. Хафизов, мәгариф идарәсе башлыгы Л. Р. Печина котладылар. Укыту-тәрбия процессын үстерүгә керткән шәхси өлеше, үсеп килүче буынны укыту һәм тәрбияләүдә ирешкән уңышлары өчен, Зәй районының иң яхшы педагогик хезмәткәрләре Зәй муниципаль районы башлыгының Мактау грамоталары, район башкарма комитеты җитәкчесенең Рәхмәт хатлары һәм мәгариф идарәсе Мактау грамоталары белән бүләкләнделәр. Укытучыларны бәйрәм белән шәһәр һәм районның иҗат коллективлары да котлады. «Мирас», «Легенда», «Тылсым» халык вокаль-хореографик ансамбльләре укытучыларга үзләренең иң яхшы концерт номерларын бүләк иттеләр. Педагогларны һөнәри бәйрәмнәре белән котларга Бөтенроссия һәм халыкара конкурслар лауреаты Светлана Минеева («ЯСМИН») һәм оригиналь жанр артисты Владислав Федоровта килде. Барлык педагогик хезмәткәрләргә җаваплы хезмәтләрендә уңышлар телибез.