Зәйдә мәктәп ярминкәсе узды

2019 елның 1 октябрендә «Энергетик» мәдәният йорты каршындагы мәйданда Халыкара өлкәннәр көненә багышланган традицион мәктәп ярминкәсе узды. Ярминкәдә Зәй шәһәренең һәм Зәй районының 18 балалар бакчасы һәм 22 мәктәп учреждениесе катнашты. Ярминкәне шәһәр мәктәпләре укучылары концерт белән башлап җибәрде. «Энергетик» мәдәният йорты мәйданында шәһәр һәм авыл мәктәпләренең педагогик коллективлары үзләренең авыл хуҗалыгы продукциясе белән палаткалар оештырдылар. Мәктәпкәчә учреждениеләр коллективлары кунакларны чәй өстәлләре янында каршы алдылар һәм сыйладылар.Ярминкәнең бөтен территориясендә волонтерларны күрергә мөмкин булды, алар өлкәннәргә ярдәм итте. Бәйрәм матур, күңелле үтте. Бәйрәм кунаклары чараны оештыручыларга һәм анда катнашучыларга рәхмәт әйттеләр.