Зәйдә эшче яшьләрнең һәм авыл яшьләренең туристлык слеты үтте

28 сентябрьдә “Йолдызлык” муниципаль балалар ял лагеренда яшьләр эшләре идарәсе туристлык слеты оештырды. Катнашучыларны муниципаль район башкарма комитеты җитәкчесе Илнар Хафизов сәламләде. Анда 5 предприятие, 12 авыл җирлегеннән вәкилләр катнашты. Әлеге чара сәламәт яшәү рәвешен пропагандалау, яшьләрне актив тормышка өндәү, спорт уеннарына ныграк җәлеп итү максатын күздә тотты. Традицион төстә үткәрелүче слет каршылыклы полоса аша үтү, палаткаларны җыю-сүтү, учак ягып аш пешерү кебек бәйгеләрне үз эченә алды. “Шеф-повар” фестивале аеруча кызыклы үтте. Анда урыннар түбәндәгечә бәяләнде: 1 урын -« Техно заводы», 2нче - «Аккурайд Уилз Руссиа» ҖЧШ, 3нче урында – ГРЭС. Авыл яшьләре дә калышмады, 1нче урында – Сәвәләй, 2нчедә – Баграж, 3нчедә – Поручик авыл җирлекләре. Катнашучыларның барысы да дипломнар һәм бүләкләргә лаек булды.