Зәй муниципаль районында беренче игезәкләр туды

Яңа кеше туу-ул һәрвакыт могҗиза! Игезәкләр туу-могҗиза гына түгел, ә Аллаһының бүләге! Игезәк балалар дөньяга килгәч, шатлык хисләре тирә-юньдәгеләргә өләшерлек дәрәҗәдә арта. 24 сентябрь көнне Зәй ГХАТ бүлегендә агымдагы елның беренче пар игезәкләр тууы теркәлде. Бу искиткич вакыйга Ренат һәм Анжелика Әхмәтҗановлар гаиләсендә барлыкка килде. Әти - әни бәләкәчләргә Умар һәм Уман дигән исемнәр бирделәр.