Студентлар - “Йолдызлык” муниципаль балалар ял лагеренда

Бу көннәрдә Зәйнең “Йолдызлык” муниципаль балалар ял лагеренда студент отрядлары мәктәбенең укулары үтте. Укуларда политехник колледж, Казан, Чаллы, Түбән Кама, Алабуга һәм Лениногорский студентлары (барлыгы 100дән артык студент) катнашты. Өч көнлек чарада катнашучылар студент отрядлары хәрәкәте, аларның корпоратив культурасы, тарихы, традицияләре белән таныштылар, җәйге чорда акча эшләү һәм Россия буйлап сәяхәт итү мөмкинлеге турында белделәр. Лекторлар югары уку йортларыннан штабларның тәҗрибәле җитәкчеләре иде. Лекцияләрдән тыш күптөрле иҗади чаралар да оештырылды. "Quiz" интеллектуаль викторинасы, "Стартины" бию конкурсы, иҗади номерлар кичәсе, караоке, джас-денс һәм фотомарафон яшьләр күңеленә аеруча хуш килде. Студентлар шулай ук "Россия студентлар отрядлары” оешмасының Татарстан региональ бүлеге командиры Ф.А.Шәяхмәтов белән очраштылар, аңа үзләрен кызыксындырган сорауларны бирделәр. Очрашуда башкарма комитет җитәкчесенең социаль мәсьәләләр буенча урынбасары Александр Чапков, яшьләр эшләре идарәсе башлыгы Лариса Федотова, политехник колледж директоры Сергей Максимов катнашты. Әлеге мәктәп эше студент отрядлары формалаштыруда башлангыч этап булып тора.