Сөнгатуллин истәлегенә футбол ярышлары

16 сентябрьдә “Энергия” стадионында 2006 – 2007 һәм 2008 елларда туган яшүсмерләр арасында тренер Илдус Сөнгатуллин истәлегенә багышланган футбол буенча ачык беренчелек старт алды. Беренче көндә уйнаган командалар арасында исәп түбәндәгечә булды: 2нче һәм 3нче мәктәпләр - 9:0, 4нче мәктәп белән татар гимназиясе – 3:0, 7нче һәм 6нчы мәктәпләр 5:3 исәбе белән уенны төгәлләделәр. Икенче көнне 2008 елда туган яшүсмерләр көч сынашты. 4нче мәктәп командасы 6нчы мәктәпне 11:2 исәбе белән җиңде, 3нче һәм 2нче мәктәпләр 0:2 исәбенә уйнады.