Зәй политехник колледжында “Сәламәтлек көне” дип аталган зур спорт чарасы узды

Зәй политехник колледжында “Сәламәтлек көне” дип аталган зур спорт чарасы узды, анда 500ләп кеше катнашты. Спартакиада программасы үз эченә 9 төрдә - минифутбол, волейбол, армрестлинг, масреслинг, гер күтәрү, эстафета ярышлары һ.б. спорт дисциплиналары буенча ярышларны алды. Болардан тыш, егетләр-кызлар ГТО комплексының 4-5 төрен эченә алган нормативларны үтәделәр. Ярышларны ачу церемонисе колледж флагын күтәрү белән башланды. Аны ачу тантанасында район башлыгы Разиф Кәримов котлау сүзе белән чыгыш ясады. Ул спорт чараларының әһәмиятен, яшьләр арасында сәламәт рухи көндәшлекне үстерү кирәклеген, нәкъ шушыларның һәръяктан яхшы сыйфатларны үзенә туплаган гражданин шәхесен формалаштыруга ярдәм итүен ассызыклады, ярышларда катнашучыларга уңышлар теләде. Шулай ук кунаклар тарафыннан да бик күп изге теләкләр теләнде. Әлеге чара группаларның тагын да берләшүенә, дуслыгына этәргеч бирде. Ярышларда җиңүчеләр диплом һәм медальләр белән бүләкләнделәр.