“Зәй шикәре" ААҖ шикәр комы җитештерү сезонын ачты

2019 елның 22 августында Зәй муниципаль районы аграрчылары шикәр чөгендере казуга керештеләр. Беренче көнне үк комбайннар барлык агрофирма һәм «Нива»ҖЧҖе басуларында чыктылар. Зәй шикәр заводы 25 августта шикәр чөгендерен эшкәртүгә кереште. Барлыгы 18545 тонна чимал кайтарылган, 1625 тонна эшкәртелгән. Бүгенге көндә шикәр заводы тәүлегенә 5000 тоннадан артык шикәр чөгендере эшкәртә, бу көннәрдә тәүлеклек эшкәртүне максималь җитештерүчәнлеккә җиткерү планлаштырыла. 5 сентябрьдән аграрийлар тәүлек буе эшли башлаячак. Фирма культурасының уңышы яхшы. Бүгенге көндә уртача уңыш 400 ц/га тәшкил итә, барлыгы урып-җыюда 12 роп ТИГР комбайны һәм 4 Маус төягече эшли. Шикәр чөгендерен ташу өчен район аграрчылары транспорт чаралары һәм ягулык-майлау материаллары белән тәэмин ителгән. Зәй чөгендер үстерүчеләренә барысы 9337 га шикәр чөгендере җыеп аласы бар.