Үзәк китапханә хезмәткәрләре “Дуслык могҗизалар тудыра” дип исемләнгән әдәби музыкаль кичә үткәрде

Кош - канаты, кеше дуслык белән көчле. Берләшкән милләтләр оешмасы инициативасы белән 30 июль - Халыкара дуслык көне буларак билгеләнә. Әлеге көн вакыйгалар календарендә иң яшь бәйрәмнәрнең берсе булып санала. Бу датаны билгеләп үтү традициясе Көньяк Америкада барлыкка килгән. Дуслар белән билгеле бер көнне, билгеле бер сәгатьтә очрашу - нәкъ менә шул яклардан килгән гадәт. Рәсми рәвештә дуслык көне 2011 нче елда кабул ителгән. С.Рәфыйков исемендәге Үзәк китапханә хезмәткәрләре “Кыңгырау чәчәк” балалар бакчасында тәрбияләнүчеләр өчен “Дуслык могҗизалар тудыра” дип исемләнгән әдәби музыкаль кичә үткәрде. Чараның максаты- балаларда шәфкатьлелек, мәрхәмәтлелек, дуслык кебек сыйфатлар формалаштыру. Биредә әлеге изге төшенчә турында төрле биремнәр яңгырады, әкият геройлары, дуслык турында уеннар уйнатылды. Чара сабыйлар күңеленә хуш килде. Китапханәчеләр аларның һәммәсенә дә янәшәләрендә тугъры дуслар булын һәм, әлбәттә, дуслыкның кадерен белүләрен теләде.