Зәйдә белем бирү оешмалары җитәкчеләре семинары узды

Бүген хакимиятнең кече залында район башлыгы Разиф Гали улы Кәримов катнашында Зәй муниципаль районы гомуми белем бирү оешмалары җитәкчеләренең «Белем бирү оешмаларының 2018-2019 уку елына эш йомгаклары. Үсеш перспективалары һәм анализ» дигән темага семинары узды. 2019 елда дәүләт йомгаклау аттестациясенә, укучылар арасында Спартакиада нәтиҗәләренщ йомгак ясалды, капиталь һәм техник ремонт мәсьәләләре турында фикер алыштылар. Мәгариф оешмалары алдына Зәй районында мәгарифне алга таба үстерү өчен бурычлар куелды.