Зәйләр «Наше время – Безнең заман» эшче яшьләр иҗаты республика телевизион фестиваленең финал турына сайлап алынды

Зәйдә ике көн дәвамында барган «Наше время – Безнең заман» эшче яшьләр иҗаты республика телевизион фестиваленең сайлап алу туры зур гала- концерт белән тәмамланды. «Энергетик» мәдәният сараена җыелган иҗат коллективларын, мәртәбәле жюри һәм тамашачыны район башлыгы Разиф Кәримов сәламләде. Ул оештыручыларга зона турын үткәрүгә Зәйне сайлап алулары, фестивальдә катнашучыларга исә дәртле чыгышлары белән бәйрәм рухы тудырганнары өчен рәхмәт белдерде. Зона ярышларында Татарстанның 10 муниципаль районы 52 оешмасыннан 235 кеше катнашты. Шунысы игътибарга лаек, Зәй яшьләре 3 номинациядә дә беренче урын алды. Ә мәгариф идарәсе яшьләренең үзенчәлекле хореографик, театрлаштырылган тамашасы фестивальнең Казанда үтәчәк финал турына сайлап алынды.