Зәйдә җәйге яллардан соң өлкән яшьтәге пенсионерларны берләштергән "Пульс" клубы янәдән үз эшен башлап җибәрде

ТРсы Хезмәт, халыкны эш белән тәэмин итү һәм социаль яклау министрлыгының Зәй муниципаль районындагы "Шатлык" халыкка комплекслы социаль хезмәт күрсәтү үзәге" социаль хезмәт күрсәтү дәүләт автоном учреждениесе базасында инде 20 елдан артык "Пульс" клубы эшләп килә. Әлеге клубка Зәй шәһәренең иң актив пенсионерлары йөри. Традиция буенча, җәйге яллардан соң, көзнең беренче аенда клуб үз эшчәнлеген җанландырып җибәрә. Әлеге очрашуларга өлкәннәребез гимнастика, сулау күнегүләре, бию, вокал терапия һәм башка бик күп кызыклы чаралар белән шөгыльләнү өчен генә түгел, ә бәлки аралашу өчен дә киләләр. Быел беренче очрашу 17 сентябрь көнне оештырылып, анда оештыру эшләре каралды, алдагы елга планнар билгеләнде. Сәламләү сүзләре белән һәм җәй айларында туган көннәрен уздырган өлкәннәребезне котлап директор Симонова Людмила Дмитриевна чыгыш ясады. Клуб эшчәнлеге уза торган бүлмәгә бик яхшы ремонт ясалуы аеруча сөендерә. Клуб җитәкчесе Боровинских Мария Никитична барлык пенсионерлар исеменнән бу сөенечле сюрприз өчен рәхмәтләрен җиткерде.