Татарстанда соңгы 5 елда грипп белән авыручылар саны 12 тапкырга кимегән

2018 елның 12 сентябре, чәршәмбе
Бу турыда журналистларга 11нче сентябрьдә ТР Министрлар Кабинетында узган брифингта хәбәр иттеләр. Соңгы 5 елда гриппка каршы вакцинация ясау 27%тан 41,5%ка арткан. Авыручылар кимүенең сәбәбе- төп профилактика чарасының нәтиҗәлелеге турында сөйли ди белгечләр. Прививканы барлык теләүчеләр дә ясата ала. Өлкәннәргә үзебездә җитештерелгән «Совигрипп», балаларга -«Ультрикс» препараты ясыйлар. Сентябрь- гриппка каршы вакцина ясау өчен уңайлы вакыт, авыру тарала башлаганчы аңа каршы ныклы иммунитет формалашырга өлгерә. Ел саен Татарстанда кискен тын юллары авырулары һәм грипп белән барлык халыкның 15%ы авырый, узган елгы сезонда грипп диагнозы 645 кешегә куелган. Аларның берсе дә гриппка каршы прививка ясатмаган булган.
Матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
ДОКУМЕНТЛАР
Матбугат хезмәте
Дәүләт һәм муниципаль хезмәтләр
Телефон: (85558) 99099
E-Mail: zai@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International