Зәй районында шикәр чөгендере казу дәвам итә

Район басуларында шикәр чөгендере казу югары темпларда дәвам итә. Авыл хуҗалыгы һәм азык- төлек идарәсеннән алынган мәгълүматларга караганда, 11 нче сентябрьгә чөгендер 1800 гектарда казып алынган, бу исә гомүми планның 20% ын тәшкил итә. Район басуларында 16 чөгендер җыю һәм 4 чөгендер төяү комбайны эшли. Барлыгы 74000 тонна шикәр чөгендере җыеп алынды, уртача уңыш гектарыннан 411 ентнер тәшкил итә. Бүгенге көнгә Зәй шикәр заводы 150 мең тонна шикәр чөгендере кабул итте. Барлыгы 98993 тонна тамыр азык эшкәртелде, 12069 тонна шикәр комы җитештерелде.