Зәй муниципаль районының 9 сайлау участогында өстәмә сайлаулар уза

2018 елның 9 сентябрендә Зәй муниципаль районының вәкиллекле органнарына депутатларны өстәмә сайлау 9 сайлау участогында (2 шәһәрдә, 7 районда) уза. Депутатлыкка барлыгы 29 кандидат теркәлгән. Сайлауларда өч сәяси партиядән: Бердәм Россия, КПРФ, ЛДПР һәм үз-үзләрен тәкъдим итүче кандидатлар катнаша. Сайлаучыларга өченче чакырылыш Зәй муниципаль районы Зәй шәһәре Советына, 4нче номерлы Гимназия, 9 нчы номерлы Нефтьчеләр бер мандатлы сайлау округлары буенча депутатлыкка кандидатлар өчен, шулай ук Александр Бистәсе, Баграж, Бохарай, Югары Мәлем, Сәвәләй, Сармашбаш һәм Чыбыклы авыл җирлекләре Советларына депутатлыкка кандидатлар өчен тавыш бирергә туры киләчәк.