Зәй ял-сәламәтләндерү лагеренда һөнәри ориентлашу буенча чара үтте

Зәй мәшгульлек үзәгенең мобиль офисы “Йолдызлык” балалар сәламәтләндерү лагерена чыкты. «PROFF-навигатор» һөнәри ориентлашу проекты кысаларында профоконсультант Дарья Филиповская “Һөнәрләр дөньяcында” дип аталган чара үткәрде. Очрашу барышында балалар төрле викториналарда катнаштылар, табышмакларга җаваплар эзләделәр, гадәти булмаган һөнәрләр белән таныштылар һәм теге яки бу йолдызнамәгә нинди һөнәр туры килүе турында белделәр. Теләүчеләр Л. Йовайши методикасы буенча тестлаштыру уздылар, аннан соң инде үзләренең нинди эшчәнлек төренә якын булуларын билгеләделәр. Һөнәри ориентлашуга корылган чарада 12-17 яшьлек 58 бала катнашты.