Зәй районы урып-җыю темплары буенча республикада беренче урында бара

Бу турыда бүген Татарстан Республикасы Президенты Рөстәм Миңнеханов катнашында Хөкүмәт йортында узган видеоконференциядә авыл хуҗалыгы һәм азык- төлек министры Марат Әхмәтов хәбәр итте. Бүгенге көнгә республикада 142 мең тонна ашлык суктырылса, шуның 25 мең тоннасы-Зәй районы игенчеләре өлеше. Районыбыз кырларында барлыгы 63 комбайн эшли, аларның барысын да югары әзерлекле, тәҗрибәле комбайнчылар иярли, эш ике сменада оештырылган, 5900 гектар мәйданның уңышы җыеп алынган инде, уртача уңыш гектарыннан 42 центнер тәшкил итә.