Зәйдә социаль объектларны төзекләндерү район башлыгы Разиф Кәримов контролендә

Бүген район башлыгы Разиф Кәримов төзелеш эшләре башланган агропромпаркта, капиталь төзекләндерү барган Мирный бистәсе шәһәр мәдәният йорты, ресурс үзәге бинасы, үзәк китапханә, коррекция мәктәбе, “Алтынчәч” балалар бакчасында, район үзәк дәваханәсенең диагностика корпусында булды. Капиталь төзекләндерү эшләрен башкаручы подряд оешмалары җитәкчеләре белән очрашуда район башкарма комитеты җитәкчесе Илнар Хафизов, аның инфраструктура үсеше буенча урынбасары Николай Нифатов, төзелеш һәм торак- коммуналь хуҗалыгы бүлеге башлыгы Антон Петров катнаштылар. Сүз төзелеш һәм капиталь ремонт эшләренең сыйфаты, графикларның үтәлеше, хезмәт куркынычсызлыгын тәэмин итү мәсьәләләре, хәл итәсе проблемалар турында барды.