Зәйдә “Маркетинг визиты” чарасын тормышка ашыралар

Зәй мәшгульлек үзәге хезмәткәрләре предприятиеләргә чыгып, аларның актив мәшгульлек сәясәте алып баруларын, алга таба аларда нинди кадрларга сорау туу ихтималын белешү, эш бирүчеләрнең хокукларын, бурычларын аңлату максатында “Маркетинг визиты” исеме астында чаралар үткәрүне дәвам итәләр. Бу көннәрдә “ПроБетон” ҖЧШ дә шундый чара узды. Анда мәшгульлек үзәге директоры Екатерина Андреева күрсәтелүче дәүләт хезмәтләре турында сөйләде, гражданнарны эшкә урнаштыру, аеруча социаль яклауга мохтаҗ булганнарга һәм физик мөмкинлеге чикләнгәннәргә хезмәт урыннары булдыру мәсьәләсен күтәрде. “Россиядә эш” порталы, Skillsnet гомумроссия социаль челтәре эшлекле контакты турында мәгълүмат бирелде.