Зәйдә - комбайннар парады старт алды

Районда традиция буенча уракка төшәр алдыннан барлык төр урып-җыю техникасының эшкә әзерлеге тикшерелә. Бүген Зәйдә Татарстан Республикасы Авыл хуҗалыгы һәм азык-төлек министрлыгы, «Россельхознадзор», "Агрокөч" АҖ, "Агрокөчтөркем" ЯАҖ һәм башка белгечләре катнашында "Комбайннар парады" уздыру башланды инде. Шул рәвешле быелгы уракка старт бирелә. Аның беренчесе "Зәй" агрофирмасының "Нур" бүлекчәсеннән башланып, "Нива" ҖЧШендә, "Восток" агрофирмасының "Үрнәк", “Зәй шикәре” агрофирмасының “Сәвәләй” бүлекчәсендә дәвам итте. Һәр комбайн ныклы тикшерү үтте. Урак алдыннан шулай ук механизаторлар белән очрашып, аралашу мөһим эш булып тора. Комиссия игътибарыннан бер нәрсә дә читтә калмады: комбайнчылар махсус эш киеме белән тәэмин ителгәнме, янгын куркынычсызлыгы кагыйдәләре үтәләме. Шулай ук механизаторларга урып-җыю чорында хезмәткә түләү шартлары да аңлатылды.