Зәйдә күпфатирлы йортларны төзекләндерү –район башлыгы Разиф Кәримов контролендә

Әлеге программа гамәлгә кергәннән бирле Зәйдә аннан мөмкин кадәр яхшырак файдаланып калу өчен максатчан эш алып барыла. Быел программага 17 күпфатирлы йорт кертелде. Бүген район башлыгы Разиф Кәримов район башкарма комитеты җитәкчесе Илнар Хафизов белән берлектә Энергетиклар урамының капиталь төзекләндерү кайнаган 2, 4, 9нчы, Никифоров урамының 66, 73нче, Җиңү проспектының 1/04, 1/22нче, Поручиктагы Яңа урамның 11, 12 нче, Иске Зәй бистәсенең Яшьләр урамы 7нче һәм Макаров урамы 7А йортларында эш барышы белән танышты. Объектларда төзекләндерү эшләрен башкаручы подряд оешмалары җитәкчеләре белән очрашу вакытында сүз графикларның үтәлеше, хезмәт куркынычсызлыгын тәэмин итү мәсьәләләре, хәл итәсе проблемалар турында барды.