Зәйдә социаль яктан имин булмаган гаиләләрнең яшәү шартларын тикшерү дәвам итә

Зәй мәшгульлек үзәге белгечләре “Шатлык” халыкка социаль хезмәтләр күрсәтү үзәге белгечләре белән бергә хезмәткә яраклы яшьтәге гражданнарны һәм балигъ булмаган 14-18 яшьлек гражданнарны эшкә урнаштыруда ярдәм итү максатыннан социаль яктан имин булмаган гаиләләрдә булдылар. Аның барышында гражданнарга мәшгульлек хезмәтенә мөрәҗәгать итү тәртибе аңлатылды, үзәк һәм төбәкара базада булган вакансияләр тәкъдим ителде, шулай ук рәсми төстә эшкә урнашу мөһимлеге аңлатылды.