Зәйдә объектлар төзекләндерү эше ныклы контрольдә

Зәй районында республика программасы буенча төзекләндерелә, төзелә торган мөһим социаль объектлар район җитәкчелегенең ныклы контролендә тора. Әлеге объектларны күз уңында тоту, аларга еш рейдлар ясау эш сыйфатын бәяләү, эшне вакытында башкаруга китерә. Бүген Башкарма комитет җитәкчесе Илнар Хафизов, башкарма комитетның төзелеш һәм төзекләндерү буенча җаваплы җитәкчеләре, подрядчы оешмалар вәкилләре катнашында комиссия Карман авылында сафка басучы күпфункцияле мәдәни үзәк, Иске Зәй бистәсендәге яшьләр спорт һәм мәдәни үзәге, шәһәребезнең 1 һәм 9нчы мәктәпләре, "Алтынчәч" балалар бакчасы, район үзәк дәваханәсенең диагностик корпусы һәм Яңа шәһәрдәге “Салават күпере” филиалында барган төзү һәм төзекләндерү эшләре барышы белән якыннан танышты. Рейд барышында хезмәтне саклау һәм техника куркынычсызлыгы буенча кимчелекләр табылмады. Барлык эшләр график буенча алып барыла.