“Мирас” вокаль-хореография ансамбле һәм аерым башкаручылардан Александра Шишмагаева зур бүләккә ия булдылар

“Созвездие-Йолдызлык” фестивалендә җиңүчеләргә дәүләт бүләкләре - акчалата премияләр тапшыру тантанасы быел да 1 июнь – Балаларны яклау көнендә ТР Министрлар Кабинетында оештырыла. Фестивальдә катнашып, үзләренең чыгышлары белән таң калдырган талантлы 40 бала Татарстан Президенты Рөстәм Миңнеханов стипендияләрен ала. Стипендияләрнең күләме 20дән 80 мең сумга кадәр билгеләнгән. Безнең район өчен иң куанычлысы әлеге мәртәбәле стипендиатлар арасында Зәй балаларының да булуы. Быелгы фестивальдә үз номинацияләрендә җиңү яулаган “Мирас” вокаль-хореография ансамбле һәм аерым башкаручылардан кечкенә Александра Шишмагаева зур бүләккә ия булдылар. Балаларның сәнгать җитәкчесе - Татарстанның атказанган мәдәният хезмәткәре Әлфия Вәлиуллина.