Карманда яңа клуб төзелә

Соңгы елларда районыбыз мәдәни объектларга байый бара. Республика программасы кысаларында Бохарай, Югары Пәнәче, Сармашбаш, Түбән Лоҗы, Иске Тәкмәк, Поповка авыллары күпфункцияле үзәккә ия булды инде.Бүгенге көндә шундый ук клуб Бигеш авыл җирлегенә кергән Карман авылында төзелә. Бүгенге көндә төзүчеләр бинаның түбәсен ябу эше белән шөгыльләнәләр. Тиздән алар клуб эчендәге эшләргә керешәчәкләр. Клубның проекты күпфункцияле үзәк кебек. Бина 50 урынлык зал, директор, түгәрәкләр бүлмәләрен, санузелны үз эченә алачак. Биредә инвалидлар өчен дә уңайлыклар тудырылачак. Яңа клублар югары дәрәҗәдә чаралар уздыру өчен күп мөмкинлекләргә юл ача.