“Зәй шәһәре мәшгульлек үзәге” дәүләт казна учреждениесе Европа иммунлаштыру атналыгына кушылды

Европа иммунлаштыру атналыгы кысаларында “Зәй шәһәре мәшгульлек үзәге” дәүләт казна учреждениесе хезмәткәрләре каршында Зәй, Әлмәт, Лениногорск районнарында кулланучыларның хокукларын яклау һәм кеше иминлеге өлкәсендә күзәтчелек федераль хезмәте идарәсенең территориаль органы башлыгы вазифаларын башкаручы Ринат Насыйбуллин, Зәй үзәк дәваханәсе баш табибы урынбасары Фалих Зәйнуллин чыгыш ясады. Алар чыгышларында халыкны вакциналаштыру мөһимлеге, урманда һәм бакча участокларында талпаннарның активлашуы белән бәйле рәвештә куркынычсызлык кагыйдәләрен үтәү зарурлыгы турында сөйләделәр. Шулай ук “Тукта, Вич-СПИД” Бөтенроссия акциясе турында мәгълүмат бирделәр. Үзәк белгечләре үзләрен кызыксындырган сорауларны биреп, аларга җавап алдылар.