Районда Җиңү көне уңаеннан ветераннарны бәйрәм белән котлау дәвам итә

Районда Җиңү көне уңаеннан ветераннарны бәйрәм белән котлау дәвам итә. Шушы көннәрдә Зәй шәһәре башлыгы урынбасары Е.В.Недошивина “Мирный” бистәсе территориаль җирле үзидарәсе рәисе М.С.Гәрәпшина һәм шәһәр мәдәният йорты хезмәткәрләре белән берлектә, Бөек Ватан сугышы ветераны Гәләүетдинов Шәүкәт Шәрәп улын, ветераннарның тол калган тормыш иптәшләре А.И. Данилова, С.Х.Саттарова һәм В.И.Чупахиналарны Җиңүнең 73 еллык бәйрәме белән котладылар. Алар ветераннарга Татарстан Республикасы Президенты Р.Н.Миңнеханов һәм район башлыгы Р.Г.Кәримов исеменнән бәйрәм күчтәнәчләре тапшырдылар. Озак еллык намуслы хезмәтләре өчен ихлас күңелдән рәхмәт белдереп, сәламәтлек һәм имин тормыш теләделәр. Артистлар исә үз чиратында ветераннарның күңеленә хуш килгән сугыш чоры җырларын башкарып, аларның хәтирәләрен тагын бер кат яңарттылар.