Зәй муниципаль районы башлыгы Р.Г. Кәримовның 1 май –Яз һәм Хезмәт бәйрәме белән котлавы

Хөрмәтле зәйлеләр! Сезне чын йөрәктән Яз һәм Хезмәт бәйрәме белән тәбрик итәм! Май аеның бу беренче көне - төрле буын кешеләренең иң яраткан бәйрәмнәренең берсе һәм шуңа да ул халык бәйрәме дип аталырга хокуклы. 1 Май элеккечә үк язгы яңарыш, киләчәккә якты өметләр һәм тырыш хезмәткә тирән хөрмәт символы булып тора. Зәй җире хезмәт яратучы, талантлы кешеләргә бай. Районыбызның социаль-икътисади үсеш темпы – безнең бердәм эшебез нәтиҗәсе. Бердәмлек ныклы булганлыктан, район һаман саен төзекләнә, матурлана, чәчәк ата бара. Яз һәм Хезмәт бәйрәме уңаеннан аеруча олы рәхмәтебезне бүгенге икътисадка ныклы нигез салган хезмәт ветераннарына, хәзерге вакытта район өчен тырышлык куючыларга юллыйбыз. Барыгызга да ныклы сәламәтлек, һәр йортта уңышлар, язгы күтәренке рух хөкем сөрүен телим. Быелгы яз үзе белән иң якты хыялларны тормышка ашырырга яңа өметләр, киләчәккә ышаныч алып килсен. Һәркемнең күңелендә матур уйлар, йортында тынычлык булуы бик мөһим, дусларыгыз, якыннарыгыз белән аңлашып, аралашып яшәгез! Башкара торган хезмәтегез бары тик шатлык, канәгатьлек хисе тудырсын, эшегез югары бәяләнсен! Бәйрәм белән! Зәй муниципаль районы башлыгы Р.Г. Кәримов