Аппарат киңәшмәсе үтте

Бүген хакимиятнең зур залында район бшлыгы Р.Г.Кәримов катнашуында аппарат киңәшмәсе узды. Район башлыгы киңәшмәне җитәкчеләрне котлаудан башлады. Татарстан Республикасы Президенты Указы белән, җирле үзидарә органнарында күпьеллык нәтиҗәле хезмәте өчен финанс - бюджет палатасы рәисе урынбасары Е. А.Журавлева «Фидакарь хезмәт өчен» медале белән бүләкләнде. Озак еллар намуслы хезмәте һәм җирле үзидарә органнарын үстерүгә керткән өлеше өчен, район Башкарма комитетының икътисадый үсеш, сәнәгать, сәүдә һәм эшкуарлыкка ярдәм итү буенча Башкарма комитет җитәкчесе урынбасары П.А.Байрашевка Татарстан Республикасы Министрлар Кабинетының Рәхмәте белдерелде. 2007-2008 елларда туган яшүсмерләр командалары арасында, Тарасов исемендәге «Алтын алка» клубы яшь хоккейчыларының Бөтенроссия ярышлары финалында «Яшьлек» командасының югары казанышлары өчен, «Яшьлек» балалар һәм яшүсмерләр спорт мәктәбенең шайбалы-хоккей буенча тренер-укытучысы А.Р.Шакиров Зәй муниципаль районы башлыгының Рәхмәт хаты белән бүләкләнде. Район башлыгы Р.Г.Кәримов киңәшмәдә катнашучыларны физик культура, спорт һәм туризм идарәсенә билгеләнгән яңа идарә башлыгы Р.Р.Мәүләвиев һәм Зәй “Татнефтедор” ҖЧҖ оешмасы башлыгы А.А.Игошиннар белән таныштырды һәм аларга яңа хезмәт уңышлары теләде. Аппарат киңәшмәсенең көн тәртибенә кертелгән 5 мәсьәлә буенча чыгышлар тыңланды. Районда санитар-экологик икеайлыкның барышына шәһәр башкарма комитеты җитәкчесе С.В.Максимов нәтиҗә ясады.